وهم

ﻟﻤّﺎ ﺗﻘﺼﺪ ﺯﻭﻝ .. ﺗﺤﺎﺻﺮﻭ ,
ﻋﺸﺎﻥ ﻳﺤﺒّﻚ ﻏﺼﺐ ﻋﻨّﻮ ...
ﻭ ﺗﺒﺪﺍ ﺗﻨﺴﺞ ﻭﻫﻢ ﻛﺎﺍﺍﺍﻣﻞ ,
ﺇﻧﻮ ﺑـِﺮﺗﺎﺡ ﻟﻴﻚ .. ﻭ ﺇﻧّﻮ !.....
ﻭ ﺍﻧﺖ ﻋﺎﺭﻓﻮ ﻋﻴﻮﻧﻮ ﻭﺍﺍﺍﺿﺤﺔ ,
ﻟﻤﺎ ﺗﺒﻌِﺪ .. ﻣﺎ ﺑـِﺤﻨّﻮ ...
ﻭ ﺍﺻﻠﻮ ﻣﺎ ﻗﺎﻝ ﻟﻴﻚ : " ﺑﺤﺒّﻚ" ,
ﺷﺎﻥ ﻫﻮﺍﺟﺴﻚ ﻳﻄﻤﺌﻨّﻮ ...
ﺇﻻ ﺑﺲ ﺧﻄﺄﻭ ﺍﻷﺳﺎﺳﻰ -
ﺍﻟﻤﺠﺎﻣﻠﺔ - ﺑﻌْﺾِ ﻓﻨّﻮ ...
ﻭ ﻳﻤﻜﻦ ﺃﺩّﺍﻙ ﺍﻟﻤﺴﺎﺣﺔ ,
ﻭ ﻛﺎﻥ ﺩﻯ ﻏﻠﻄﺔ ﻛﺒﻴﻴﻴﺮﺓ ﻣﻨّﻮ ...
ﺇﻧﺖ ﻣﺠﻨﻮﻥ ﺑﻰ ﻣﺸﺎﻋﺮﻙ ,
ﺑﺲ ﻫﻮ ﻣﺎ ﺑﺎﻥ ﻟﻴﻜﺎ ﺟِﻨّﻮ .. !
ﺣﻘّﻮ ﻣﺎ ﺗﺴﻤّﻴﻬﺎ ﺭﻳﺪﺓ ,
ﻭ ﻗﺼﺔ ﺑﻴﻦ ﺍﺗﻨﻴﻦ .. ﻷﻧّﻮ - ..
ﺇﻧﺖ ﻋﺸﺖ ﺑﺮﺍﺍﺍﻙ ﺣﻜﺎﻳﺘﻚ ,
ﺃﻣّﺎ ﺯﻭﻟﻚ ... ﻣﺎﺍﺍﺍ ﺃﻇﻨّﻮ !....
ﻟﻤّﺎ ﺗﺸﻜﻰ ﺗﻘﻮﻝ : " ﺧﺬَﻟْﻨﻰ " -
ﻳﺒﻘﻰ ﻋﻨﺪﻙ ‏( ﻭﻋﺪ ‏) ﻣﻨّﻮ ... !
ﻳﺎﻣﺎ ﺯﻭﻝ ﻓﺼَّﻞ ﺧﺮﻳﻔﻮ -
ﻋﻠﻰ ﺳُﺤُﺐ ﻣﺎ ﻣﺸﺘﻬﻨّﻮ ..
ﻭ ﻳﺎﻣﺎ ﻧﺎﺱ ﺧﻠَﻘﺖ ﻣﺂﺳﻰ ,
ﻭ ﺑﻰ ﺍﻟﻮﻫﻢ - ﻓﻰ ﺍﻟﺪﻧﻴﺎ ﺟَﻨّﻮ