قلبي الحبيب

أﻋﺬﺭﻧﻲ ﻳﺎ ﻗﻠﺒﻲ ﺍﻟﺤﺒﻴﺐ ،
ﺗﺠﺮﺑﺘﻲ ﻛﺎﻧﺖ ﻣﻮﺟﻌﺔ ..
ﻣﺎ ﺍﻟﻄﻌﻨﺔ ﺟﺎﺗﻚ ﻣﻦ ﻗﺮﻳﺐ ،
ﻣﻦ ﺣﺘﺔ ﻣﺎ ﺑﺘﺘﻮﻗﻌﺎ ..
@@
ﺻﺎﺩﻗﻴﻦ ﺩﺧﻠﻨﺎ ﻋﻠﻲ ﺯﻣﻦ ،
ﺣﺘﻲ ﺍﻟﻤﺸﺎﻋﺮ ﺑﺼﻨﻌﺎ ..
ﻓﻲ ﻏﻔﻠﺔ ﺇﻧﺴﺮﻕ ﺍﻟﻌﻤﺮ ،
ﺃﻳﺎﻣﻮ ﻛﻴﻒ ﻧﺴﺘﺮﺟﻌﺎ ؟ ..
ﺃﺩﻳﺖ ﻣﺸﺎﻋﺮﻱ ﺑﺪﻭﻥ ﺣﺪﻭﺩ ،
ﻣﻦ ﻋﺎﻃﻔﺔ ﺻﺎﺩﻕ ﻣﻨﺒﻌﺎ ..
ﻭ ﻣﺎ ﻛﻨﺖ ﻗﺎﻳﻞ ﺍﻟﺮﻳﺪ ﺣﺴﺎﺏ ،
ﻭ ﺍﻟﻨﺒﻀﺔ ﻋﺎﻳﺰﺓ ﻣﺘﺎﺑﻌﺔ !..
@@
ﺩﺍﻳﻤﺂ ﺑﺠﻲ ﺍﻟﺤﺐ ﻟﻲ ﺍﻟﺒﻜﻮﻥ -
ﻻ ﺧﺖ ﺑﺎﻟﻮ ، ﻭ ﻻ ﺳﻌﻲ ..
ﻭ ﺍﻟﻘﻠﺒﻮ ﺷﻼﻻﺕ ﺣﻨﺎﻥ ،
ﺑﻲ ﻃﻴﺒﺔ ﺗﻠﻘﻲ ﻳﻮﺯﻋﺎ ..
ﻟﻜﻦ ﺃﻛﻴﺪ ﺃﻗﺴﻲ ﺍﺧﺘﺒﺎﺭ ،
ﻭ ﺍﺻﻌﺐ ﻫﻤﻮﻡ ﺗﺘﺠﺮﻋﺎ ..
ﺟﺮﺣﻚ ﻳﺠﻴﻚ ﻣﻦ ﺃﻏﻠﻲ ﺯﻭﻝ ،
ﺯﻱ ﺇﻳﺪ ﺗﺨﻮﻧﺎ ﺃﺻﺎﺑﻌﺎ ..
@@
ﺃﻧﺎ ﻫﺴﻪ ﻓﺎﻗﺪ ﺍﻹﺗﺰﺍﻥ ،
ﻭ ﺍﻓﻜﺎﺭﻱ ﻻ ﺿﺪ ، ﻻ ﻣﻊ ..
ﺇﻧﺴﺎﻥ ﺻﺒﺢ ﻣﻠﻴﺎﻥ ﻇﻨﻮﻥ ،
ﺷﺎﻛﻲ ﻑ ﺟﻬﺎﺗﻮ ﺍﻷﺭﺑﻌﺔ ..
ﻣﺎ ﺑﻘﺪﺭ ﺃﻋﺮﻑ ﻫﻞ ﻓﻲ ﻧﺎﺱ ،
ﻣﻦ ﻏﻴﺮ ﻭﺷﻮﺵ ﺃﻭ ﺃﻗﻨﻌﺔ !..
ﺑﺲ ﺑﻌﺮﻑ ﺇﻧﻮ ﺍﻟﺤﺐ ﺧﻼﺹ ،
ﺑﻘﻲ ﺳﻴﺮﺓ ﻣﺎ ﻋﺎﻳﺰ ﺍﺳﻤﻌﺎ