ﻣﻬﻤﺎ ﻳﻄﻮﻝ ﺍﻻﺣﺘﺠﺎﺏ
ﺑﻠﻘﺎﻫﻮ ﺣُﺒّﻬﺎ ﻏﺎﺏ ﻭ ﺟﺎﺏ
ﻛﺮَﻡ ﺍﻟﺤﺒﻴﺒﺔ ﺍﻟﻤَﺐْ ﺗﺪِﺱ
ﻋﻦ ﺃﺭﺿﻲ - ﻳﻮﻡ - ﻃﻴﺒﺔ ﺍﻟﺴﺤﺎﺏ
ﻗﺎﺭِﻳﻬﺎ / ﺩﺍﺭِﻳﻬﺎ ﻭ ﺑﻘﻴﺖ
ﺣﺎﺭِﻳﻬﺎ : ﻣﺼﺒﺎﺡ ﻓﻲ ﺍﻟﻀﺒﺎﺏ
ﻟﻮ ﺯﺍﺭ ﻃﻔﻮﻟﺘﻲ ﺑﺼﻴﺺ ﺿﺠَﺮ
ﺑﺘﺠﻴﻨﻲ ﻧﻠﻌﺐ ﺑﻲ ﺍﻟﺘﺮﺍﺏ
ﺃﻧﺎ ﻣﻄﺒﺦ ﺍﻟﻄﻴﻦ ﺣﻘّﻬﺎ
ﻭ ﻫِﻲْ ﺑﺘﺒﻘﻲ ﻟﻲ " ﺑﺖ ﺍُﻡ ﻟﻌﺎﺏ "
ﺃﻳﺎﻣﻲ ﻟﻮ ﻓﺮَﺿﺖ ﺳﻔﺮ
ﺑﻠﻘﺎﻫﺎ ﻓﻲ ﻛﺮﺳﻲ ﺍﻟﺼِﺤﺎﺏ
ﺣﺎﺷﺎﻧﺎ ﻣﺎ ﺍﻟﺤﺐ ﺍﻟﻔﺘَﺮ
ﻣﻦ ﻓﻜﺮﺓ ﺍﻟﺤﻠﻢ / ﺍﻟﺴﺮﺍﺏ
ﻧﺤﻨﺎ ﺍﻟﻮﻟﻴﻒ ﺍﻟﻤﺎ ﻫﺠَﺮ
ﻋُﺶ ﺍﻟﻤﺤﺒﺔ ﻭ ﻣﺎﺕ ﻏﻴﺎﺏ
ﻧﺤﻨﺎ ﺍﻟﺼﺒُﺮ ﻭﻛﺘﻴﻦ ﺻﺒَﺮ
ﻋﻠﻰ ﺟﺮﺣﻮ / ﻟﻤّﻦ ﺟﺮﺣﻮ ﻃﺎﺏ
ﺁﻣﻨﺎ ﺑﻲ ﺩﻧﻴﺎ ﺍﻟﺒﺸﺮ :
ﺗﻮّﺍﻫﺔ / ﻭ ﺍﻟﻤﺆﻣﻦ ﻣُﺼﺎﺏ
ﻗﺪ ﺧﻴﺮ ﻳﻜﻮﻥ ﻓﻲ ﻇﺎﻫﺮﻭ ﺷَﺮ
ﺃﻭ ﻋﻜﺴﻮ .. ﻭ ﺍﻟﻘﺼﺔ ﺍﺣﺘﺴﺎﺏ
ﻳﺎ ﺍﻟﺤُﺒﻲ ﻟﻴﻚ ﻋﺎﻓﻴﺔ ﺑَﺼﺮ
ﻭ ﺑﺼﻴﺮﺓ ﺗﻔﺘﺢ ﺃﻟﻒ ﺑﺎﺏ
ﺑﻲ ﻭﻋْﻴﻨﺎ ﺍﻹﺣﺴﺎﺱ ﻋﺒَﺮ
ﻣﻦ ﻓﺠﻮﺓ ﺍﻟﺸﻚ ﻭ ﺍﻟﻌﺘﺎﺏ
ﻋﺎﻓَﺮﻧﺎ .. ﻭ ﺍﻹﺻﺮﺍﺭ ﻛﺴَﺮ
ﻣﻨﻈﻮﻣﺔ ﺍﻟﺼّﺪ ﻭ ﺍﻟﺼﻌﺎﺏ
ﻣﺎ ﺍﻟﻨﻘﻄﺔ ﺑﺘﺸﻖّ ﺍﻟﺤﺠﺮ
ﻟﻮ ﻣﻦ ﻣﻄﺮ ﻳﻮﻣﺎﺗﻰ ﺻﺎﺏ
ﺃﻧﺎ ﻭ ﺍﻧﺘﻲ ﻳﺎ ﺃﺻﺪﻕ ﺧﺒﺮ
ﻓﻲ ﻣﻬﺮﺟﺎﻥ ﺍﻻﺭﺗﻴﺎﺏ :
ﺑﺪّﻟﻨﺎ ﺭﻳﺪ ﺿُﻞ ﺍﻟﺸﺠﺮ
ﺑﻲ ﺍﻟﻠﻘﻴﺎ ﻓﻲ " ﻣﻌﺮﺽ ﻛﺘﺎﺏ
ليست هناك تعليقات:
إرسال تعليق