أصابِع كفها .. وانا دا

ﺃﺻﺎﺑﻊ ﻛﻔّﻬﺎ / ﺍﻷﻭﺗﺎﺭ ..
ﺣﻤﺎﻡ ﻭﻟّﻒ ﻋﻠﻰ ﺍﻟﺸﺒﺎﻙ ,
ﺭَﻛﻦ ﺷِﻨﻂ ﺍﻟﺴﻔﺮ , ﻣﺎ ﻃﺎﺭ ..
ﺃﺻﺎﺑﻊ ﻛﻔّﻬﺎ / ﺍﻟﺮﺣﻤﺔ ﺍﻟﺒﺘﺴﻌِﺪ -
ﺣﻮﺍﺀ ﺑﻲ ﺁﺩﻡ ...
ﺑﺘﺘﺠﺎﺩﻝ ﻭ ﺗﺘﻨﺎﻏﻢ ..
ﻭ ﺗﺪّﻳﻚ ﺑﺴﻤﺘﻴﻦ ﺻﺎﺩﻗﺎﺕ ,
ﺗﺴﺎﻣﺢ ﺑﻴﻬﻢ ﺍﻟﻌﺎﻟﻢ ..
ﺃﺻﺎﺑﻊ ﻛﻔّﻬﺎ / ﺍﻷﺻﺤﺎﺏ ...
ﻭ ﺟﺎﺭﻧﺎ ﺍﻟﻄﻴّﺐ ﺍﻟﻮﻧّﺎﺱ ,
ﻳﺨُﺖ ﻛﺮﺳﻴﻬﻮ ﺟﻨﺐ ﺍﻟﺒﺎﺏ ...
ﺃﺻﺎﺑﻊ ﻛﻔّﻬﺎ / ﺍﻷﻃﻔﺎﻝ ..
ﻭ ﺃﻣﻲ ﺍﻟﺼﺎﺣﻴﺔ ﺭﺍﺟﻴﺎﻧﻲ ,
ﻭ ﻣﺴﺨّﻨﺔ - ﻫَﻢ ﻋَﺸﺎﻱ - ﻓﻰ ﺍﻟﺒﺎﻝ ..
ﺃﺻﺎﺑﻊ ﻛﻔّﻬﺎ / ﺍﻟﻐﺎﻳﺒﻴﻦ ..
ﻭ ﺷﺨﺒﻄﺔ ﻓﻰ ﻃﺮﻑ ﺩﻓﺘﺮ ,
ﺗﻘﻮﻝ ﺇﻧﻮ : ﺍﻟﺴﺒﺖ ﺃﺧﺪﺭ ,
ﺩﺍ ﻛﺎﻥ ﻣﻮﻋﺪ ﺟﻤﻊ ﻗﻠﺒﻴﻦ ..
ﺃﺻﺎﺑﻊ ﻛﻔّﻬﺎ / ﺍﻟﻤﻮﻟﻮﺩ ..
ﻭ ﺯﻭﻝ ﻗﺎﻋﺪ ﺑَﺮَﺍ ﻳﺪﻧﺪﻥ ,
ﻭ ﺳﺮﺣﺎﻥ ﻓﻰ ﻋُﻤُﺮ ﻣﻔﻘﻮﺩ ...
ﺃﺻﺎﺑﻊ ﻛﻔّﻬﺎ / ﺍﻷﺣﻼﻡ ..
ﻭ ﺑﺎﻗﻲ ﻋﺒﺎﺭﺓ ﻣﺎ ﺍﻧﻜﺘﺒﺖ ,
ﺑﻘﺖ ﻓﻰ ﺫﻣﺔ ﺍﻷﻗﻼﻡ ...
ﺃﺻﺎﺑﻊ ﻛﻔّﻬﺎ / ﺍﻟﺪﻭﻻﺏ ..
ﻓﺘﻴﻞ ﺭﻳﺤﺔ ﻭ ﻗﻠﻢ ﻧﺎﺷﻒ ,
ﻭ ﻭﺭﺩﺓ ﻗﺪﻳﻤﺔ ﺟﻮّﻩ ﻛﺘﺎﺏ ...
ﺃﺻﺎﺑﻊ ﻛﻔّﻬﺎ / ﺍﻟﺠﺪﺭﺍﻥ ..
ﻭ ﺗﺬﻛﺎﺭ ﺑﻲ ﺭُﺑُﻊ ﻃﺒﺸﻴﺮﺓ ,
ﻣﻦ ﺗﻠﻤﻴﺬ ﺫﺧﻴﺮﺗﻮ ﻓﻘﻴﺮﺓ ,
ﻧﻔﺴﻮ ﺍﻟﺤﻴﻄﺔ ﺗﺒﻘﻰ ﻟﺴﺎﻥ ...
ﺃﺻﺎﺑﻊ ﻛﻔّﻬﺎ / ﺍﻟﻘُﻄّﻴﺔ ..
ﺷﺎﻓﻊ ﺃﻣﻮ ﻗﺎﻟﺖ ﻟﻴﻬﻮ :
" ﺟﻴﺐ ﻛﻴﺲ ﻋَﻴﺶ ,
ﻭ ﺑﻲ ﺍﻝ 2 ﺟﻨﻴﻪ - ﻃﻌﻤﻴﺔ " ...
ﺃﺻﺎﺑﻊ ﻛﻔّﻬﺎ / ﺍﻟﻤُﻘﺸﺎﺷﺔ ...
ﻣﺎﺳﻮﺭﺓ ﺑْﺘﻨﻘِّﻂ - ﻭ ﻓﻮﻗﺎ -
ﺟﺎﺕ ﺑﺮّﺍﺍﺍﺣﺔ ﻧﺎﺯﻟﺔ ﻓﺮﺍﺷﺔ ..
ﺃﺻﺎﺑﻊ ﻛﻔّﻬﺎ / ﺍﻟﺴّﺒﻠﻮﻗﺔ ..
ﻧﺎﺱ ﺍﻟﺤِﻠّﺔ ﻳﻔﺘﺤﻮﺍ ﻣﺠﺮﻯ -
ﻋِﺰ ﻣﺎ ﺍﻟﻤﻄﺮﺓ ﺿﺎﻭﻳﺔ ﺑﺮﻭﻗﺎ ..
ﺃﺻﺎﺑﻊ ﻛﻔّﻬﺎ / ﺍﻟﺒﺎﻟﻮﻧﺔ ...
ﺃﻭﻝ ﻳﻮﻡ ﺗﻤِﺶ ﻟﻠﺮﻭﺿﺔ - ﻃﻔﻠﺔ -
ﻭ ﻛﻢ ﺳﺆﺍﻝ ﻓﻰ ﻋﻴﻮﻧﺎ ...
ﺃﺻﺎﺑﻊ ﻛﻔّﻬﺎ / ﺍﻟﻌِﺮﻓﺔ ...
ﻭ ﺷُﻠﺔ ﻗﺪﻳﻤﺔ 5 ﺑﻨﺎﺕ -
ﻭ ﺍﺗﻼﻗﻦ ﺑﻌﺪ ﺳﻨﻮﺍﺕ
ﻣﻠَﺖ ﺿﺤﻜﺎﺗﻦ ﺍﻟﻐُﺮﻓﺔ ...
ﺃﺻﺎﺑﻊ ﻛﻔّﻬﺎ / ﺍﻟﻜِﺴﺮﺓ ...
ﻭ ﺷﺎﺏ ﻓﻰ ﻋﻴﻮﻥ ﺣﺒﻴﺒﺘﻮ ﺑﺸﻮﻑ :
" ﺷُﻐُﻞ ﺛﺎﺑﺖ , ﻭ ﺑﻴﺖ ﺃﺳﺮﺓ " ...
ﺃﺻﺎﺑﻊ ﻛﻔّﻬﺎ / ﺍﻷﻣّﺎﺕ ..
ﻭ ﺻُﺒْﺤﺎً ﺑﺪﺭﻱ ﻓﻰ ﺍﻟﻤﻮﻗﻒ ,
ﻳﺨﺎﻭﻱ ﺍﻟﺸﺎﻱ ﻣﻊ ﻟﻘﻴﻤﺎﺕ ...
ﺃﺻﺎﺑﻊ ﻛﻔّﻬﺎ / ﺍﻟﻨِّﻴﻤﺔ ...
ﻭ ﺣﺎﺟَّﺎﺕ ﻓﻮﻝ ,
ﻭ ﺯﻭﻝ ﺿﺎﺭﺏ ﺭﻗﻢ ﻣﺸﻐﻮﻝ ,
ﻭ ﻛﻮﺑﺮﻱ ﻣﻦ ﺍﻟﺼﺒﺎﺡ ﻣﻘﻔﻮﻝ ,
ﺗﻘﻮﻡ ﺗﺤﺘﺎﺭ ﻭ ﻛﻢ ﻣﺸﻮﺍﺭ -
ﺩﻣﺎﻏﻚ ﺷﺎﻏﻠﻮ ﺗﻘﺴﻴﻤﺎ ..
ﺃﺻﺎﺑﻊ ﻛﻔّﻬﺎ / ﺍﻟﻔﺎﻧُﻮﺱ ..
ﻭ ﺑﺖ ﺳﺮﺣﺎﻧﺔ ﻓﻰ ﻣﺮﺍﻳﺔ -
ﻭ ﺷﺎﻓﺖ ﻓﻰ ﺍﻟﻤﺮﺍﻳﺔ " ﻋﺮﻭﺱ " ...
ﺃﺻﺎﺑﻊ ﻛﻔّﻬﺎ / ﺍﻟﺒﻨﺒﺮ ..
ﻭ ﺯﻭﻝ ﻓﻰ ﺍﻟﻐﺮﺑﺔ ﻗﺮّﺏ ﻳﻌﻮﺩ ,
ﺇﺟﺎﺯﺗﻮ ﻑ ﺷﻬﺮ ﺳﺒﺘﻤﺒﺮ ...
ﺃﺻﺎﺑﻊ ﻛﻔّﻬﺎ / ﻭ ﺃﻧﺎ ﺩﺍ ..
ﻗﺼﻴﺪﺓ ﻭ ﺭﺍﻛﺒﺔ ﺃﺭﺟﻮﺣﺔ ,
ﻋﻴﻮﻥ .. ﻭ ﺳﻤﺎﻭﻱ ﻣﻔﺘﻮﺣﺔ ,
ﻭ ﻛﻼﻡ ﻟﻮ ﺇﻧﺘﻬﻰ - ﺑﻴﺒﺪﺍ