ﻳﺎ ﻣْﺨﺴﺘِﻜﺎﺗِﻴﺔ

ﻳﺎ ﻣْﺨﺴﺘِﻜﺎﺗِﻴﺔ ..
ﺃﻧﺎ ﻣﺎ ﺑَﻤِﻞ ﻣﻨِّﻚ
ﻋﺎﺟﺒﻨﻲ ﻓﻴﻚ / ﺇﻧّﻚ
ﻓﻬﻤﻚ ﻋﻤﻴﻖ ﻟﻜﻦ
ﻣﺎ ﻣْﺜﻘﻔﺎﺗﻴﺔ ..
@@@
ﻣﺶ ﻗﻠﺒﻲ ﻃﺎﺋﺮ ﺣُﺮ ؟
ﺣﺒّﻴﺖ ﺳﺠﻮﻥ ﺟﻮِّﻙ
ﻣﺎ ﻋﻨﺪﻱ ﻟﻤﺒﺔ ﺣَﻮﺵ
ﻫُﻮ ﻓﻲ ﺷَﻮﻑ ﺑﻼ ﺿﻮِّﻙ ؟!
ﺃﻧﺎ ﺑﻲ ﺻﺒﺎﺡ ﻋﻴﻨﻴﻚ
ﻳﻮﻣﺎﺗﻲ ﻣﺘﺴﻮِّﻙ
ﺩﻱ ﻭﺛﻴﻘﺔ ﻓﻲ ﺩﻣﻲ
ﻭ ﺍﺳﺮﺍﺭ ﺣﻴﺎﺗﻴﺔ ...
@@@
ﺍﻟﻨﺴﻤﺔ ﻓﻲ ﻓﺴﺘﺎﻥ ؟؟
ﻳﺎ ﺳﺎﺗﺮ ﺍﺳﺘُﺮﻧﻲ
ﺃﻧﺎ ﺑﻴﻜﻲ ﺣﺎﺿﻦ ﻏﻴﻢ
ﻭ ﺭﺫﺍﺫُﻭ ﺧﺪّﺭﻧﻲ
ﻧﻔﺲ ﺍﻟﺒِﺴﻮﻗﻨﻲ ﻋﻠﻴﻚ
ﻳﺎﻫﻮ ﺍﻟﺒﻮﺩّﺭﻧﻲ !
ﻭ ﺍﻟﺮﻋﺸﺔ ﺟﻮّﻩ ﺍﻟﺒﺎﻝ
ﻣﺎ ﺍﻋﺘﺒﺎﻃﻴﺔ ...
@@@
ﻋِﺰّ ﺍﻟﺸﻘﺎ ﺍﻟﺴﺎﺧﻦ
ﻟﻤﺴﺔ ﺇﻳﺪﻳﻚ / ﺍﻟﻀُﻞ
ﺩﺍﻗﺸﻴﻦ ﺳﻮﺍ ﻭ ﻣﺎﺷّﻴﻦ
ﺇﺗﻨﻴﻦ ﻋﺸﺎﻥ ﺍﻟﻜُﻞ
ﻧﺤﻦ ﺍﻟﻌُﺰﺍﺯ ﺟﺪﺍً
ﻓﻲ ﻛﻞِّ ﺷﺎﺭﻉ ﺫُﻝ
ﺳﺎﻧﺪﺍﻧﻲ ﻣﻨﻚ ﻭ ﺑﻴﻚ
ﺭﻭﺡ ﺍﻧﺒﺴﺎﻃﻴﺔ ...
@@@
ﻣﻜﻴﺎﺟﻚ ﺍﻟﻤﺎ ﺑْﺮﻭﺡ :
" ﻋﺎﻓﻴﺔ ﻗﻠِﺐ ﺭﺍﺿﻲ "
ﺳﺮُّﻭ ﺍﻟﺘﺼﺎﻟﺢ ﺑﻴﻦ :
ﻳﻮﻡ ﺑﻜﺮﺓ ﻭ ﺍﻟﻤﺎﺿﻲ
ﻳﺎ ﻣِﻦ - ﺭﺣﻴﺐ ﺷﻮﻓﻚ -
ﻣﺎ ﻓﻴﺶ ﺯﻣﻦ ﻓﺎﺿﻲ :
ﺷﺎﻥ ﺗﺎﻛﻠﻲ ﻟﺤﻢ ﺍﻟﻨﺎﺱ
ﻋﺎﺍﺍﺍﺭﻓﻚ ﻧﺒﺎﺗﻴﺔ ...
@@@
ﻣُﺪﻣﻦ ﺗﻔﺎﺻﻴﻠﻚ
ﻟﻮ ﺣﺘﻲ ﺻَﺮّﺓ ﻋﻴﻦ
ﺇﻟﺒﻮﻡ ﺻُﻮﺭ ﻓﻲ ﺍﻟﺮﻭﺡ
ﻣﺎ ﻋﻨﺪﻭ ﻛﻴﻒ ؟ / ﻭ ﻣﺘﻴﻦ ؟
ﺃﻣﻠﻲ ﺍﻟﻤﻌﺎﻙ ﺑِﻜﺒﺮ
ﻳﺎ ﻗﻮّﺓ ﺟﺎﺕ ﻣﻦ ﻭﻳﻦ ؟!
ﻳﺎﺧﻲ ﺍﻷﻣﻞ ﺩﺍ ﻣﻬﻢ
ﺯﻱ ﺑِﻨﻴﺔ ﺗﺤﺘﻴﺔ ...
@@@
ﻓﻲ ﻣﺨﺪّﺗﻲ ﺍﻝ .. ﺑﺎﻟﻠﻴﻞ
ﺑﺘﺠﻴﻨﻲ ﻗﺒﻞ ﺍﻟﻨﻮﻡ
ﻣﻮﺟﺔ ﺣﻨﺎﻥ / ﻓﻨّﺎﻥ
ﺗﻐﺴِﻞ ﻏﺒﺎﻳﻦ ﺍﻟﻴﻮﻡ
ﻳﺎ ﺿﺤﻜﺘﻲ ﺍﻟﺒِﺘﺮِﻥ
ﻭﺳﻂ ﺍﻟﺒﻜﺎ ﺍﻟﻤﺴﻤﻮﻡ
ﺷﺎﻳﻠﻚ ﻣﻌﺎﻱ ﻓﻲ ﺍﻟﺮﻳﺢ
ﺷﻤﻌﺔ ﺍﺣﺘﻴﺎﻃﻴﺔ ...
ﻱ ﻣﺨﺴﺘِﻜﺎﺗِﻴّﺔ