الفاعل المسؤول

ﻣﻨﺪﻳﻞ ﺣﺮَﺝ ﻣﺒﻠﻮﻝ
ﻣﻦ ﻧﻬﺮﺓ ﺍﻷﺳﺘﺎﺫ
ﺗﻠﻤﻴﺬ ﺟﺪﻳﺪ ﻣﻘﺒﻮﻝ
ﺧﺒﻄﻮ ﺍﻟﺴﺆﺍﻝ / ﻋﻜّﺎﺯ :
" ﻣﺎ ﺍﻟﻔﺎﻋﻞ ﺍﻟﻤﺴﺆﻭﻝ
ﻋﻦ ﻛﻞّ ﻣﺎ ﻗﺪ ﺑﺎﻅ " ؟
ﻭ ﺍﺩﻳﻨﻲ ﺇﻋﺮﺍﺏ ‏( ﺯﻭﻝ ‏)
ﻭ ﺩﺍ ﻛﻠﻮ / ﺑﻲ ﺇﻳﺠﺎﺯ
ﺭﺩّ ﺍﻟﻮﻟﺪ ﻋﻠﻰ ﻃﻮﻝ
ﺑﻲ ﺣﻜﻤﺔ ﺍﻷﻓﺬﺍﺫ :
" ﺍﻟﻔﺎﻋﻞ ﺍﻟﻤﻨﻌﻮﻝ :
ﻧﺎﺱ ﺛﻮﺭﺓ ﺍﻹﻧﻘﺎﺫ "
ﻭ ﺍﻋﺮﺍﺑﻲ ﺃﻣﺮﻭ ﻳﻄﻮﻝ
ﻟﻜﻦ ﺃﻗﻠﻮ / ﻧﻘﻮﻝ :
‏( ﺯﻭﻝ ‏) ﻛﺎﻥ ﺯﻣﺎﺍﺍﻥ ﻣﺪﻟﻮﻝ
ﻳُﻌﺮَﺏ : ﺃﺩﺍﺓ ﺇﻧﺠﺎﺯ
ﻫﺴّﻊ / ﻭ ﻳﺎ ﻟﻠﻬﻮﻝ !
ﺇﻋﺮﺍﺑﺎ : ﺣﺎﻝ ﻣﻌﻠﻮﻝ
ﻳﺪﺧﻞ ﻋﻠﻰ ﺍﻟﻤﺄﻣﻮﻝ :
ﻳﻨﺼﺐ ﺧﻴﺎﻡ ﺃﻟﻐﺎﺯ !!
ﺃﺳﺘﺎﺫﻧﺎ ﺻﺎﺡ ﻣﺬﻫﻮﻝ :
" ﻣﺪﻫﺶ / ﺟﻮﺍﺏ ﻣﻤﺘﺎﺯ " !
ﺿﺞّ ﺍﻟﻔﺼِﻞ ﻣﺒﻬﻮﻝ
ﺑﻲ ﺻﻔﻘﺔ ﺍﻹﻋﺰﺍﺯ
ﻭ ﺍﻟﻬﻤﻬﻤﺔ ﺍﻟﺒﺘﺠﻮﻝ
ﻣﺮﻗﺖ ﺗﺴِﺐّ ﺍﻟﻐﻮﻝ
ﻭ ﺍﺗﺒﺴّﻢ ﺍﻷﺳﺘﺎﺫ
ﻗﺎﻝ : " ﻫﻮﻭﻱ / ﺧﻼﺹ ﻳﺎ ﺟِﻦ
ﻋﺎﺍﺍﺭﻑ ﺍﻟﻮﺟﻊ .. ﻟﻜﻦ
ﺳﺎﻋﺪﻭﻧﺎ ﺑﻲ ﺍﻷﻟﻔﺎﻅ "