ﺟِﻴﺘﻰ ﻓﻰ ﺍﻟﻮﻛْﺖ ﺍﻟﻤﺜﺎﻟﻰ ..
ﺑﻴﻦ ﺍﻋﻴﺶ ﻳﺎﺋﺲ ﺗﻤﺎﻣﺎً ,
ﻭ ﺑﻴﻦ ﺍﻛﻮﻥ ﻟﺴﻊ ﻣُﺒﺎﻟﻰ ..
ﺟِﻴﺘﻰ ﺯﻯ ﻛﻠﻤﺔ : " ﺃﺧﻴﺮﺍً " ,
ﻳﻮﻡ ﻃﻴﻮﺭ ﺍﻟﻬﻢ ﻳﻄﻴﺮَﻥ -
ﻭ ﻣﺎ ﻳﻔﻮﺕ ﻓﻴﻨﻰ ﺍﻟﻔﻮﺍﺕ ..
ﺯﻯ ﻛﺄﻧﻚ ﻋﺎﻳﺸﺔ ﻓﻴﻨﻰ ,
ﺳﺎﻛﻨﺔ ﺟﻮّﻩ ﺑﻴﻮﺕ ﺣﻨﻴﻨﻰ ,
ﻭ ﻛﻨﺘﻰ ﻓﻰ ﺣﺎﻟﺔ ﺳُﺒﺎﺕ ..
ﻛﻨﺘﻰ ﻣﻴﻌﺎﺩﻯ ﺍﻟﻤﺆﺟﻞ ,
ﻓﻰ ﺻﺤﻴﻔﺔ ﺍﻟﺮﻭﺡ ﻣﺴﺠّﻞ ,
ﻭ ﺍﻟﻤﻮﺍﻋﻴﺪ ﻫﺴﻪ ﺟﺎﺕ ..
ﺣﺎﺳّﻰ ﺑﻴﻚ ﺡ ﺗﺮﺗّﺒﻴﻨﻰ ,
ﻭ ﺗﺮﺳﻤﻴﻨﻰ ﻭ ﺗﻜﺘﺒﻴﻨﻰ -
ﻓﻰ ﻛﺮﺍﺭﻳﺲ ﺍﻟﻤﺤﻨﺔ :
ﺿُﻞ ﻓﺴﻴﺢ ﺑﺸﺒﻪ ﻭﻃﻨّﺎ ,
ﻭ ﻓﻰ ﺩﻓﺎﺗﺮ ﺍﻷﻣﻨﻴﺎﺕ :
ﻓﺮﺣﺔ ﺑﻰ ﻛﻞ ﺍﻟﻠﻐﺎﺕ ..
ﺣﺎﺳّﻰ ﺑﻴﻚ ﺡ ﺗﻮﺯّﻋﻴﻨﻰ -
ﻓﻰ ﻣﺤﻄﺎﺗﻨﺎ ﺍﻟﻘﺪﻳﻤﺔ ,
ﻭ ﻓﻰ ﺷﻮﺍﺭﻋﻨﺎ ﺍﻟﺤﻤﻴﻤﺔ ,
ﻭ ﻓﻰ ﺍﻟﺮﺻﻴﻒ ﻭ ﺍﻟﻤﺮﻛﺒﺎﺕ ..
ﺇﻧﺘﻰ ﺣﻠﻢ ﻋﻠﻰْ ﻣﻔﺼّﻞ ,
ﻭ ﺍﻧﺘﻰ ﻋﻨﻮﺍﻧﻰ ﺍﻟﻤﻔﻀّﻞ ,
ﻻﻓﺘﺔ ﻓﻰ ﻛﻞ ﺍﻟﺠﻬﺎﺕ
ليست هناك تعليقات:
إرسال تعليق