ﺑﻲ ﺍﻗﻞ ﻣﻦ ﺭﺑﻊ ﺍﻟﺪﻣﺎﻍ ،
ﺑﻨﺘﺞ ﻭ ﺍﻓﻜﺮ ﻟﻲ ﺍﻟﻮﻃﻦ ..
ﻭ ﺍﻟﺒﺎﻗﻲ ﻣﻄﺤﻮﻥ ﺑﻲ ﻫﻤﻮﻡ ،
ﺑﺘﺨﻠﺨﻞ ﺍﻟﺮﻭﺡ ﻭ ﺍﻟﺒﺪﻥ ..
ﺧﺬﻻﻥ ﺧﻠﻮﻕ ﻭ ﻣﺆﺳﺴﺎﺕ ،
ﺯﻱ ﺃﻟﻒ ﻣﺸﺮﻭﻉ ﺇﻧﺪﻓﻦ ..
ﻗﺎﻳﻠﻴﻦ ( ﻃﻴﻮﺭ ﺍﻟﺠﻨﺔ ) ﺩﻳﻞ -
ﺃﺳﻤﻲ ﺍﻟﻌﻘﻮﻝ ﺍﻟﺒﺒﺪﻋﻦ ..
ﻭ ﺍﻟﻔﻜﺮﺓ ﻋﻨﺪﻧﺎ ﻃﻴﺮ ﺟﺮﻳﺢ ،
ﻣﻦ ﻗﺒﻞ ﻳﻠﺪﻭﻫﻮ ﺍﺗﺴﺠﻦ ..
ﺃﻧﺎ ﺯﻭﻝ ( ﻣﻔﻜﺮ ) - ﺑﺲ ﺑﺮﺍﻱ ،
ﻣﺎ ﺑﻘﺪﺭ ﺃﺗﺤﺪﻱ ﺍﻟﺰﻣﻦ ..
ﻭ ﺍﻟﻠﻪ ﻣﺄﺳﺎﺗﻲ - ﺍﻟﻤﻜﺎﻥ ،
ﺃﻧﺎ ﺟﻮﻩ ﻣﻨﻈﻮﻣﺔ ﻣﺤﻦ ..
ﺑﺎﺩﺭﺕ .. ﻋﺎﻓﺮﺕ ﻭ ﺧﻄﺎﻱ -
ﻣﻌﺬﻭﺭﺓ ﻟﻮ ﺻﺎﺑﺎ ﺍﻟﻮﻫﻦ ..
ﺑﺘﻼﻗﻲ ﻓﻨﺎﻧﻴﻦ ﻛﺘﺎﺭ ،
ﻟﻜﻦ ﻗﻠﻴﻞ ﺍﻟﻌﻨﺪﻭ ( ﻓﻦ ) ..
ﺃﻧﺎ ﻫﺴﻪ ﻣﻴﺖ ﻭ ﻗﺪ ﺃﻛﻮﻥ ،
ﻣﺎ ﺧﺎﺷﻲ ﻓﻲ ﻓﻜﺮﺓ ﻛﻔﻦ ..
ﺑﺲ ﻋﺠﺰﻱ ﻣﻮﺕ ﻣﻦ ﻏﻴﺮ ﻋﺰﺍ ،
ﻭ ﻧﺎﺱ ﺃﻣﻲ ﻟﺴﻊ ﻣﺎ ﺑﻜﻦ ..
ﻣﺎ ﻋﻨﺪﻱ ﻏﻴﺮ ﺃﺯﺭﻉ ﺭﺅﺍﻱ -
ﻓﻲ ﺗﺮﺑﺔ ﺗﺎﻧﻴﺔ .... ﻭ ﺑﺜﻤﺮﻥ ..
ﻳﺎ ﺩﻭﺑﻮ ﺑﻜﺮﺓ ﺍﻟﻨﺎﺱ ﺗﻘﻮﻝ :
" ﻭ ﺍﻟﻠﻪ ﺃﺑﺪﻉ ﻭﺩ ﺣﺴﻦ " !..
ﻭ ﺍﻟﻘﻲ ﺍﻹﺩﺍﺭﺍﺕ ﻓﺎﺗﺤﺔ ﻟﻲ -
ﺃﺑﻮﺍﺑﺎ ﺑﻲ ﻛﻞ ﺣﺴﻦ ﻇﻦ ...
ﻭ ﺩﺍ ﻛﻠﻮ ﺷﺎﻥ ﺟﻴﺖ ﻣﻦ ﺑﻌﻴﺪ -
ﺯﻱ ﻣﺎ ( ﻃﻴﻮﺭ ﺍﻟﺠﻨﺔ ) ﺟﻦ
الأحد، 5 أبريل 2015
طيور الجنة
الاشتراك في:
تعليقات الرسالة (Atom)
ليست هناك تعليقات:
إرسال تعليق